മാനന്തവാടി:പതിനഞ്ചാം പഞ്ചവത്സര പദ്ധതിയിൽ ഉൾപ്പെടുത്തി നഗരസഭയിലെ ആരോഗ്യമേഖലയിൽ നടപ്പാക്കാവുന്ന പദ്ധതികളെക്കുറിച്ച് ആശയ രൂപീകരണ യോഗം ചേർന്നു. മുനിസിപ്പൽ ഹാളിൽ ചേർന്ന യോഗത്തിൽ ചെയർപേഴ്‌സൺ ജേക്കബ് സെബാസ്റ്റ്യൻ അധ്യക്ഷത വഹിച്ചു. ജില്ലാ മെഡിക്കൽ ഓഫിസർ ഡോ. പി.എം മൊയ്തീൻ ഷാ, ആരോഗ്യകേരളം ജില്ലാ പ്രോഗ്രാം മാനേജർ ഡോ. വി.ആർ ഷീജ എന്നിവർ നടപ്പാക്കേണ്ട വിവിധ പദ്ധതികളെക്കുറിച്ച് വിശദീകരിച്ചു. നഗരസഭയിലെ ജനപ്രതിനിധികൾ, ആയുർവേദം, ഹോമിയോ ജില്ലാ മെഡിക്കൽ ഓഫിസർമാർ, ഉദ്യോഗസ്ഥർ, ജില്ലയിലെ പി.ആർ.ഒമാർ തുടങ്ങിയവർ പങ്കെടുത്തു.
