കൽപറ്റ: നായർ സർവീസ് സൊസൈറ്റി ദിനാഘോഷത്തിൻ്റെ ഭാഗമായി എൻഎസ്എസ് പതാക ദിനാചരണം നടത്തി. വൈത്തിരി താലൂക്ക് യൂണിയൻ ആസ്ഥാനത്ത് യൂണിയൻ പ്രസിഡൻ്റ് പി.കെ.സുധാകരൻ നായർ പതാക ഉയർത്തി പ്രതിജ്ഞ ചൊല്ലിക്കൊടുത്തു. എൻ.ടി.വിജയൻ നായർ, സി.പി.പുഷ്പലത, ഒ.എം.ജയേന്ദ്രകുമാർ, ബിന്ദു സുരേഷ്, വി.വി.കോമളവല്ലി, എം.സി.ജയചന്ദ്രൻ, വി.മനോജ്, പി.ടി. വേണു നായർ, കെ.പി.കൈമൾ, യൂണിയൻ സെക്രട്ടറി സി.എൻ.ഉണ്ണിക്കൃഷ്ണ‌ൻ എന്നിവർ നേതൃത്വം നൽകി. തെറ്റുപാടി കരയോഗത്തിൽ പ്രസിഡൻ്റ് എൻ.ടി.വിജയൻ നായർ, പടിഞ്ഞാറത്തറയിൽ പ്രസിഡൻ്റ് ഇ.കെ.ദിവാകരൻ നായർ, പിണങ്ങോട് എൻ.ടി.പത്മനാഭൻ നായർ, കരണിയിൽ പി.ബി.അനീഷ്, തരിയോട് സി.ടി.നളിനാക്ഷൻ, ചീക്കല്ലൂരിൽ കെ. മാധവൻ നായർ, കരുണാകരപുരം കരയോഗത്തിൽ കെ.ടി.രാജൻ, അമ്പലപ്പടിയിൽ സി.ബാലചന്ദ്രൻ, മുട്ടിലിൽ കെ.വിശ്വനാഥൻ എന്നിവർ പതാക ഉയർത്തി പ്രതിജ്ഞ പുതുക്കി.
