മീനങ്ങാടി: ക്ലൈമറ്റ് വീക്ക് ഇന്ത്യ കാമ്പയിനിന്റെ ഭാഗമായി എയിംസ് വേ ഫൗണ്ടേഷന്റെ നേതൃത്വത്തിൽ തച്ചമ്പത്ത് ഗ്രാമത്തിൽ ക്ലൈമറ്റ് ടോക്ക് സംഘടിപ്പിച്ചു. പ്രദേശത്തെ ഗോത്രസമുദായാംഗങ്ങളും മീനങ്ങാടി ഗവ.സ്കൂളിലെ എൻഎസ്എസ് വോളന്റിയർമാരും പങ്കെടുത്തു. പരമ്പരാഗത കുടിവെള്ള സ്രോതസായ ‘കേണി’കളുടെ സംരക്ഷണം ഉറപ്പുവരുത്തണമെന്ന് ടോക്കിൽ നിർദേശമുയർന്നു.
കേണിയുടെ ചരിത്രം, പരമ്പരാഗത വിശ്വാസങ്ങൾ, സാംസ്കാരിക പ്രാധാന്യം, പ്രത്യേകതകൾ എന്നിവ തച്ചമ്പത്തെ ലക്ഷ്മിയമ്മ വിശദീകരിച്ചു. പരമ്പരാഗത ജലസ്രോതസുകൾ സംരക്ഷിക്കേണ്ടതിന്റെ ആവശ്യകതയും ഗോത്രസമൂഹങ്ങളുടെ പാരമ്പര്യവിജ്ഞാനം വരുംതലമുറകൾക്കായി സംരക്ഷിക്കേണ്ടതിന്റെ പ്രാധാന്യവും ആദ്യ ബയോ ഇന്നോവേഷൻസ് ചീഫ് സയന്റിസ്റ്റ് ഡോ.മിഥില പദ്മൻ വിശദീകരിച്ചു.
ഫൗണ്ടേഷൻ ചെയർമാൻ സൽമാൻ എൻ. റിപ്പൺ, മാനേജിംഗ് ഡയറക്ടർ സുപ്രിയ സുരേന്ദ്രൻ എന്നിവർ സന്നിഹിതരായിരുന്നു
