കൽപ്പറ്റ: തെരഞ്ഞെടുപ്പ് മുഖ്യ കമ്മിഷണർ ഗ്യാനേഷ്‌കുമാറിന്റെ രാജി ആവശ്യപ്പെട്ട് വിവിധ പ്രസ്ഥാനങ്ങൾ ഡൽഹിയിൽ നടത്തുന്ന സമരത്തിന് ഐക്യദാർഢ്യം പ്രഖ്യാപിച്ച് പുരോഗമന കലാസാഹിത്യ സംഘം ജില്ലാ കമ്മിറ്റി നഗരത്തിൽ പ്രകടനവും സാംസ്‌കാരിക സംഗമവും നടത്തി. എഴുത്തുകാരി സി.എസ്. ചന്ദ്രിക ഉദ്ഘാടനം ചെയ്തു. സംഘം ജില്ലാ പ്രസിഡന്റ് മുസ്തഫ ദ്വാരക അധ്യക്ഷത വഹിച്ചു. ലൈബ്രറി കൗൺസിൽ ജില്ലാ പ്രസിഡന്റ് പി.കെ. സത്താർ, സെക്രട്ടറി പി.കെ. സുധീർ, പി. സുരേഷ് ബാബു, പി.ബി. ബാനുമോൻ, പി.കെ. കരുണാകരൻ, പ്രമോദ് ബാലകൃഷ്ണൻ, ഇ.എ. രാജപ്പൻ, സി.എം. സുമേഷ്, എം. ദേവകുമാർ, കെ. കുഞ്ഞമ്മദുകുട്ടി എന്നിവർ പ്രസംഗിച്ചു.
