
കൽപ്പറ്റ:വൈദ്യുതി വാങ്ങുന്നതിൽ സുതാര്യത ഉറപ്പാക്കണമെന്ന് കേരള ഇലക്ട്രിസിറ്റി വർക്കേഴ്സ് ഫെഡറേഷൻ(എഐടിയുസി) ജില്ലാ സമ്മേളനം സർക്കാരിനോട് ആവശ്യപ്പെട്ടു. ഡിഎ കുടിശിക ഉടൻ വിതരണം ചെയ്യുക, കെഎസ്ഇബിയിലെ ഒഴിവുകൾ നികത്തുക തുടങ്ങിയ ആവശ്യങ്ങളും ഉന്നയിച്ചു. സംസ്ഥാന വൈസ് പ്രസിഡന്റ് രതീഷ്കുമാർ ഉദ്ഘാടനം ചെയ്തു. ജില്ലാ പ്രസിഡന്റ് ടി.പി. സന്തോഷ്കുമാർ അധ്യക്ഷത വഹിച്ചു. സെക്രട്ടറി എ.പി. റസാഖ്, എഐഎഫ്ഇഇ ജനറൽ കൗൺസിൽ അംഗം കെ. അനിൽ, സി.എം. സുനിൽ, എം.എ. ബീരാൻ എന്നിവർ പ്രസംഗിച്ചു. ഭാരവാഹികളായി കെ.വി. ജോണി-പ്രസിഡന്റ്, ടി.പി. സന്തോഷ് കുമാർ-സെക്രട്ടറി, എം.എ. ബീരാൻ-ട്രഷറർ എന്നിവരെ തെരഞ്ഞെടുത്തു.








