
ഭാരതീയ ചികിത്സാ വകുപ്പിന്റെയും ജില്ലാ ഇൻഫർമേഷൻ ഓഫീസിൻറെയും സംയുക്താഭിമുഖ്യത്തിൽ മലയാള ദിനാഘോഷവും ഭരണഭാഷാ വാരാചരണവും സംഘടിപ്പിച്ചു. കൽപ്പറ്റ ഗ്രീൻ ഗേറ്റ്സ് ഹോട്ടലിൽ നടന്ന പരിപാടി അഡീഷണൽ ജില്ലാ മജിസ്ട്രേറ്റ് അജീഷ് കെ ഉദ്ഘാടനം ചെയ്തു. ജില്ലാ മെഡിക്കൽ ഓഫീസർ ഡോ. എസ്. പൈ മിനി അധ്യക്ഷത വഹിച്ചു. ഔദ്യോഗിക രംഗത്ത് മലയാള ഭാഷയുടെയും ഭരണ് ഭാഷയുടെയും പ്രാധാന്യത്തെക്കുറിച്ചും എഴുത്തുകാരൻ ശ്രീജിത്ത് ശ്രീവിഹാർ ക്ലാസെടുത്തു. അമ്പലവയൽ ആയുർവേദ ഗവ ഡിസ്പെൻസറിയിലെ മെഡിക്കൽ ഓഫീസറും എഴുത്തുകാരിയുമായ ഡോ നിഖില ചന്ദ്രൻ, എഴുത്തുകാരൻ ശ്രീജിത്ത് ശ്രീവാഹിൻ എന്നിവരെ പരിപാടിയിൽ ആദരിച്ചു. നഷണൽ ആയുഷ് മിഷൻ ജില്ലാ പ്രോഗ്രാം മാനേജർ ഡോ. കെ രഞ്ജിത്ത്, സീനിയർ സൂപ്രണ്ട് എം.എസ് വിനോദ്, ചീഫ് മെഡിക്കൽ ഓഫീസർമാരായ ഡോ. വി.പി ആരിഫ, ഡോ. കെ പ്രഷീല, ഡോ. എബി ഫിലിപ്പ്, എം അനിത, ഡോ. നിഖില ചന്ദ്രൻ, വേങ്ങപ്പള്ളി ഗവ ആയുർവേദ ഡിസ്പെൻസറി മെഡിക്കൽ ഓഫീസർ ഡോ. കെ സുബിഷ, കോട്ടത്തറ ഗവ ആയുർവേദ ഡിസ്പെൻസറി മെഡിക്കൽ ഓഫീസർ ഡോ. കെ ദിവ്യ എന്നിവർ പങ്കെടുത്തു.








