ഡോ.രാം മനോഹർ ലോഹ്യ അനുസ്മരണം നടത്തി

കൽപ്പറ്റ: സോഷ്യലിസ്റ്റ് സ്റ്റഡി സെന്റർ ഡോ.രാം മനോഹർ ലോഹ്യയുടെ 59-ാമത് ചരമവാർഷികദിനം
ജനാധിപത്യ സംരക്ഷണ ദിനമായി ആചരിച്ചു. അനുസ്മരണ സമ്മേളനം വുഡ്‌ലാൻഡ്‌സ് ഓഡിറ്റോറിയത്തിൽ(എം.പി. വീരേന്ദ്രകുമാർ നഗർ) സെൻർ സംസ്ഥാന പ്രസിഡന്റ് ബി. രാധാകൃഷ്ണപിള്ള ഉദ്ഘാടനം ചെയ്തു. രാഷ്ട്രീയത്തിലെ അനിവാര്യമായ സംഘർഷങ്ങളെല്ലാം മൂല്യങ്ങളുടെ മണ്ണിൽ വേരുറച്ചതായിരിക്കണമെന്ന് ലോഹ്യക്ക് നിർബന്ധമുണ്ടായിരുന്നുവെന്ന് അദ്ദേഹം പറഞ്ഞു. വി.പി. വർക്കി അധ്യക്ഷത വഹിച്ചു. മുതിർന്ന സോഷ്യലിസ്റ്റ് വരദൂർ പദ്മയ്യ ഗൗഡറെ പൊന്നാട അണിയിച്ച് ആദരിച്ചു. മാടായി ലത്തീഫ്, വരദൂർ പത്മയ്യ ഗൗഡർ, ഷഫീർ റാവുത്തർ, ടി.സി. മുകുന്ദൻ, വി. മഹേഷ്, കെ.എം. രാജു, കെ.ജി. രണരാജൻ, കെ. മൊയ്തുട്ടി, ഷമീർ വൈത്തിരി എന്നിവർ പ്രസംഗിച്ചു.