
മാനന്തവാടി: മാനന്തവാടി രൂപതയുടെ സാമുദായിക ശക്തീകരണ വർഷാചരണത്തിന്റെ ഭാഗമായി വോയിസ് ഓഫ് ആഡം ഇന്റർനാഷണൽ മ്യൂസിക് മിനിസ്ട്രി കേരളത്തിലാദ്യമായി രൂപികരിക്കുന്ന മ്യൂസിക് ബാൻഡിന്റെ ഔദ്യോഗിക ഉദ്ഘാടനം നാളെ വൈകുന്നേരം 6.30-ന് ദ്വാരക പാസ്റ്ററൽ സെന്റർ ഓഡിറ്റോറിയത്തിൽ നടക്കും. മാനന്തവാടി രൂപതാധ്യക്ഷൻ മാർ ജോസ് പൊരുന്നേടം ബാൻഡിന്റെ ഉദ്ഘാടനം നിർവഹിക്കും.
ഗാനങ്ങളിലൂടെ സുവിശേഷ പ്രഘോഷണംഎന്നലക്ഷ്യത്തോടെ ഭക്തിഗാന സംഗീത സംവിധായകൻ അജിത് ബേബിയുടെ നേതൃത്വത്തിൽ ആരംഭിച്ച 12രാജ്യങ്ങളിൽ സുവിശേഷേ പ്രഘോഷണം നടത്തുന്ന മ്യൂസിക് ചാനലായ വോയിസ് ഓഫ് ആഡം ബൈബിൾ ആശയങ്ങൾ കോർത്തിണക്കി നടത്തുന്ന മ്യൂസിക് ബാൻഡിൽ കേരളത്തിലെ പ്രശസ്തരായ കലാകാരന്മരാണ് അണിനിരക്കുന്നത്. കേരളത്തിലാദ്യമായി ആണ് ഇത്തരം ബാൻഡ് രൂപികരിക്കുന്നതെന്ന് ഭാരവാഹികൾ വാർത്താസമ്മേളനത്തിൽ പറഞ്ഞു.

വാർത്താസമ്മേളനത്തിൽ സി.ഇ.ഒ അജിത് ബേബി, പ്രോഗ്രാം കോർഡിനേറ്റർ ഫാ. ജെയ്സൺ കുഴികണ്ടത്തിൽ, വോയിസ് ഓഫ് ആഡം കോർഡിനേറ്റർ ഫാ. ബിജു തൊണ്ടിപ്പറമ്പിൽ എന്നിവർ പങ്കെടുത്തു.








