നടവയൽ: ജില്ലാ, സംസ്ഥാന, ദേശീയ, ഖേലോ ഇന്ത്യ മത്സരങ്ങളിൽ നടവയൽ ജി. ജി. കളരിസംഘത്തിന് തുടർച്ചയായ നേട്ടങ്ങൾ. തിരുവനന്തപുരത്ത് നടന്ന 68-ാമത് സംസ്ഥാന കളരിപ്പയറ്റ് മത്സരത്തിലും പാലക്കാട് നടന്ന 68-ാമത് കേരള സംസ്ഥാന സ്കൂൾ ഗെയിംസ്‌കളരിപ്പയറ്റ് മത്സരത്തിലും ഉജ്ജ്വല പ്രകടനം കാഴ്ചവച്ചു.
സംസ്ഥാന കളരിപ്പയറ്റ് മത്സരത്തിൽ നടവയൽ ജി.ജി. കളരിസംഘത്തിലെ എം.എ. ജോയൽ, ആന്റോസ് ബിനു, ആൽഫിയ സാബു, ടെൽസ ഡേവിഡ്, ജോവിയൽ സൂസൻ ജോബി, പി.വി.ഋതിക നന്ദ എന്നിവർ മികച്ച പ്രകടനം കാഴ്ചവച്ചു.
യു. പി. ജോസ് ഗുരുക്കളുടെ നേതൃത്വത്തിലാണ് പരിശീലനം. കൈത്തേരി കളരിസംഘം എന്ന പേരിൽ നെയ്ക്കുപ്പയിലും ഗുരുക്കളുടെ നേതൃത്വത്തിൽ മറ്റൊരു കളരിയും പ്രവർത്തിച്ചുവരുന്നു. പുൽപ്പള്ളി ജി. ജി. കളരിയിലെ കെ. സി. കുട്ടികൃഷ്ണൻ ഗുരുക്കളാണ് ജോസ് ഗുരുക്കളുടെ കളരി ആശാൻ. ജി. ജി. കളരിസംഘത്തിലെ ആൽഫിയ സാബു ഖേലോ ഇന്ത്യ മത്സരത്തിൽ രണ്ട് വർഷവും ദേശീയ മത്സരത്തിൽ നാല് വർഷവും തുടർച്ചയായി മെഡൽ നേടി. പ്രസിഡന്റ് ഡേവിഡ് ജെയിംസിന്റെയും സെക്രട്ടറി പി.ആതിരയുടെയും നേതൃത്വത്തിൽ ജി.ജി. കളരിസംഘത്തിന്റെ പ്രവർത്തനങ്ങൾ മികച്ച രീതിയിൽ മുന്നോട്ടുപോകുന്നു.
