ബത്തേരി: താലൂക്ക് ആശുപത്രിയിൽ ദേശീയ സന്നദ്ധ രക്തദാന ദിനാചരണം ബ്ലഡ് ബാങ്കിന്റെ നേതൃത്വത്തിൽ വിപുലമായ പരിപാടികളോടെ സംഘടിപ്പിച്ചു . പരിപാടിയുടെ ഔദ്യോഗിക ഉദ്ഘാടനം ബത്തേരി ബ്ലോക്ക് പഞ്ചായത്ത് പ്രസിഡന്റ് പ്രസന്ന ശശീന്ദ്രൻ നിർവ്വഹിച്ചു. ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ സുധാ കൃഷ്ണൻ ചടങ്ങിൽ അധ്യക്ഷത വഹിച്ചു.
താലൂക്ക് ആശുപത്രി സൂപ്രണ്ട് ഡോ. ആൻസി മേരി ജേക്കബ് ചടങ്ങിൽ മുഖ്യ പ്രഭാഷണം നടത്തി. രക്തദാന രംഗത്ത് സജീവമായി പ്രവർത്തിക്കുന്ന സന്നദ്ധ രക്തദാതാക്കളുടെ സംഘടനകൾക്ക് ചടങ്ങിൽ ഉപഹാരം സമർപ്പിച്ചു. സ്റ്റാഫ് കൗൺസിൽ സെക്രടറി അജേഷ് മാത്യു രക്തദാന പ്രതിജ്ഞ ചൊല്ലിക്കൊടുത്തു .
ബ്ലഡ് ബാങ്ക് മെഡിക്കൽ ഓഫീസർ ഡോ. മോഹൻ രാജ് ബ്ലഡ് ബാങ്ക് ലാബ് ഇൻചാർജ് സവിത, ജ്യോതിർഗമയ കോഓർഡിനേറ്റർ കെ.എം. ഷിനോജ്, ഷനീഷ്, മുസ്‌തഫ എന്നിവർ പ്രസംഗിച്ചു.
