കൽപറ്റ: വിത്തുകൾ, വളങ്ങൾ, മണ്ണുപരിശോധന, കൃഷി ഉപദേശങ്ങൾ എന്നിവ വേഗത്തിൽ ലഭ്യമാക്കുന്നതിന് വിഭാവനം ചെയ്ത സ്മാർട്ട് കൃഷിഭവൻ മുട്ടിലിൽ മന്ത്രി ടി സിദ്ദീഖ് ഉദ്ഘാടനം ചെയ്തു. ഫ്രണ്ട് ഓഫിസ് സംവിധാനം ശക്തിപ്പെടുത്തി ഡിജിറ്റൽ ഡിസ്‌പ്ലേ, ഇന്റർനെറ്റ് കണക്ഷൻ തുടങ്ങിയ സൗകര്യങ്ങൾ സ്മാർട്ട് കൃഷിഭവനിൽ ഒരുക്കിയിട്ടുണ്ട്. ഹെൽത്ത് ക്ലിനിക്ക്, ഡിജിറ്റൽ ലൈബ്രറി, എക്കോ ഷോപ്പ്, ബയോ ഫാർമസി, സ്റ്റാഫ് റൂം, കോൺഫറൻസ് ഹാൾ തുടങ്ങിയ സൗകര്യങ്ങളും കെട്ടിടത്തിലുണ്ട്. കൃഷി ഭവനിൽ നടന്ന പരിപാടിയിൽ ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണൻ അധ്യക്ഷയായി. ജില്ലാ പഞ്ചായത്ത് വൈസ് പ്രസിഡന്റ് ടി. ഹംസ വിത്ത് വിതരണം-എൽനിനോ പത്രിക വിതരണത്തിന്റെ ഉദ്ഘാടനം നിർവഹിച്ചു. കൽപറ്റ ബ്ലോക്ക് പഞ്ചായത്ത് പ്രസിഡന്റ് കെ.കെ. ഹനീഫ കതിർ മണ്ണ് പരിശോധന പോർട്ടൽ മൊഡ്യൂൾ, സോയിൽ ഹെൽത്ത് കാർഡ് വിതരണം ചെയ്തു.
കൃഷി അഡീഷണൽ ഡയറക്ടർ എസ് സപ്‌ന, പ്രിൻസിപ്പൽ കൃഷി ഓഫീസർ ബി.ജെ സീമ, കൃഷി അസിസ്റ്റന്റ് ഡയറക്ടർ പി കെ മുഹമ്മദ് ഷാഫി, ഗ്രാമപഞ്ചായത്ത് പ്രസിഡന്റ് അസോസിയേഷൻ പ്രസിഡന്റ് എം.ജി ബിജു, മുട്ടിൽ ഗ്രാമപഞ്ചായത്ത് പ്രസിഡന്റ് സി.പി രഞ്ജിത്ത്, മുട്ടിൽ ഗ്രാമപഞ്ചായത്ത് വൈസ് പ്രസിഡന്റ് ലീന സി നായർ, സ്റ്റാന്റിങ് കമ്മിറ്റി ചെയർപേഴ്‌സൺമാരായ യു.എസ് മുഹമ്മദ് ഷജീദ് ആയിഷാബി, നഷീദ് ചാഴിവയൽ, ജില്ലാ പഞ്ചായത്ത് ഡിവിഷൻ അംഗം നസീമ ടീച്ചർ, കൽപ്പറ്റ ബ്ലോക്ക് പഞ്ചായത്ത് ഡിവിഷൻ അംഗങ്ങളായ ശശി പന്നിക്കുഴി, ഇ.എം ഉഷ, സലാം നീലിക്കണ്ടി, ആത്മ പ്രോജക്ട് ഡയറക്ടർ എ.ആർ സുരേഷ്, മുട്ടിൽ ഗ്രാമപഞ്ചായത്ത് സെക്രട്ടറി ഷിനാസ് നാസർ, സി.ഡി.എസ് ചെയർപേഴ്‌സൺ ജോഷില റാണി, ജനപ്രതിനിധികൾ, രാഷ്ട്രീയ പാർട്ടി പ്രതിനിധികൾ, കൃഷിവകുപ്പ് ഉദ്യോഗസ്ഥർ, കർഷകർ തുടങ്ങിയവർ പങ്കെടുത്തു.
