
ബത്തേരി: ലൈസൻസ്ഡ് എൻജിനീയേഴ്സ് ആൻഡ് സൂപ്പർവൈസേഴ്സ് ഫെഡറേഷൻബത്തേരി ഏരിയ കൺവെൻഷൻ ബത്തേരി ബ്ലോക്ക് പഞ്ചായത്ത് പ്രസിഡന്റ് ശ്രീമതി പ്രസന്ന ശശീന്ദ്രൻ ഉദ്ഘാടനം ചെയ്തു. ലെൻസ്ഫെഡിന്റെ സംഘടനാ പ്രവർത്തനങ്ങളും എൻജിനീയർമാരുടെയും സൂപ്പർവൈസർമാരുടെയും തൊഴിൽപരമായ വിഷയങ്ങളും സംബന്ധിച്ചുള്ള ചർച്ചകൾ കൺവെൻഷനിൽ നടന്നു. ഏരിയ പ്രസിഡന്റ് ജിൻസൺ കെ. ജോസഫ് അധ്യക്ഷത വഹിച്ചു. ഏരിയ സെക്രട്ടറി റോയ് കെ. എ. സ്വാഗതം ആശംസിച്ചു. ജില്ലാ പ്രസിഡന്റ് ജാഫർ സേട്ട്, സംസ്ഥാന വൈസ് പ്രസിഡന്റ് കെ. സുരേന്ദ്രൻ, ജില്ലാ സെക്രട്ടറി രവീന്ദ്രൻ എം. എന്നിവർ കൺവെൻഷനിൽ സംസാരിച്ചു.








