ലോക നഗരാസൂത്രണ ദിനാചരണത്തിന്റെ ഭാഗമായി നവംബർ ആറ് മുതൽ 10 വരെ ജില്ലയിൽ വിവിധ പരിപാടികൾ സംഘടിപ്പിക്കും.നവംബർ ആറിന് രാവിലെ 11ന് മാനന്തവാടി ഗവ എഞ്ചിനീയറിംഗ് കോളേജിൽ എഞ്ചിനീയറിംഗ് വിദ്യാർഥികൾക്കായുള്ള ക്വിസ് മത്സരം നടക്കും. നവംബർ ഏഴിന് രാവിലെ 10ന് കൽപ്പറ്റ എസ്.കെ.എം.ജെ ഹൈസ്‌കൂളിൽ ഹയർസെക്കൻഡറി വിദ്യാർഥികൾക്കായി പെൻസിൽ ഡ്രോയിങ് മത്സരം നടത്തും. സമ്മാനം നേടുന്നവർക്ക് ക്യാഷ് പ്രൈസ് ലഭിക്കും. നവംബർ 10ന് രാവിലെ 10ന് ‘വയനാട് ജില്ല – ആസൂത്രണ കാഴ്ചപ്പാട്: വെല്ലുവിളികളും സാധ്യതകളും’, ‘നഗരാസൂത്രണവും കെട്ടിട നിർമാണ ചട്ടങ്ങളും’ എന്നീ വിഷയങ്ങളിൽ കളക്ടറേറ്റ് എ.പി.ജെ ഹാളിൽ സെമിനാർ സംഘടിപ്പിക്കും. അന്നേദിവസം നടക്കുന്ന പൊതുപരിപാടിയിൽ ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണൻ, ജില്ലാ കലക്ടർ വി ചെൽസാസിനി തുടങ്ങിയവർ പങ്കെടുക്കും. സിവിൽ സ്റ്റേഷൻ വളപ്പിൽ ലേ ഔട്ട് പ്രദർശനം, ഇൻസ്റ്റലേഷൻ, മാസ്റ്റർ പ്ലാൻ എക്‌സിബിഷൻ എന്നിവയും സംഘടിപ്പിക്കും. ഫോൺ: 8547321500
