ജില്ലയിലെ പത്രപ്രവർത്തക, പത്രപ്രവർത്തകേതര ക്ഷേമ പെൻഷൻ പദ്ധതിയിലെ ഗുണഭോക്താക്കൾ നവംബർ 30 നകം ലൈഫ് സർട്ടിഫിക്കറ്റ് നൽകണം. jeevanpramaan.gov.in മുഖേന ലഭിക്കുന്ന ഡിജിറ്റൽ ലൈഫ് സർട്ടിഫിക്കറ്റ് സ്വയം സാക്ഷ്യപ്പെടുത്തിയ പകർപ്പോ, ഗസറ്റഡ് ഓഫീസർ നവംബർ മാസത്തിൽ സാക്ഷ്യപ്പെടുത്തിയ ലൈഫ് സർട്ടിഫിക്കറ്റോ ആണ് സമർപ്പിക്കേണ്ടത്.
സർട്ടിഫിക്കറ്റ് സിവിൽ സ്റ്റേഷനിൽ പ്രവർത്തിക്കുന്ന ജില്ലാ ഇൻഫർമേഷൻ ഓഫീസിൽ എത്തിക്കണം. ദൂതൻ മുഖേന സർട്ടിഫിക്കറ്റ് നൽകുന്നവർ ഫോട്ടോ പതിച്ച അംഗീകൃത തിരിച്ചറിയൽ രേഖയുടെ സ്വയം സാക്ഷ്യപ്പെടുത്തിയ പകർപ്പ് നൽകണം. ലൈഫ് സർട്ടിഫിക്കറ്റിന്റെ മാതൃക ഇൻഫർമേഷൻ ആൻഡ് പബ്ലിക് റിലേഷൻസ് വകുപ്പിന്റെ https://prd.kerala.gov.in ഔദ്യോഗിക വെബ്സൈറ്റിൽ ലഭിക്കും. കൂടുതൽ വിവരങ്ങൾക്ക് 04936 202529 ബന്ധപ്പെടാം.
