കൽപ്പറ്റ : കൈനാട്ടി പത്മപ്രഭ പൊതു ഗ്രന്ഥാലയത്തിൽ സമഗ്ര അംഗത്വ പ്രചാരണ പരിപാടിക്കു തുടക്കമായി. എം.പി. വീരേന്ദ്രകുമാർ ഹാളിൽ നടന്ന ചടങ്ങിൽ എഴുത്തുകാരി റാലിമ ബിജു, ഗായികയും വിംസ് മെഡിക്കൽ കോളേജ് ജീവനക്കാരിയുമായ കെ. ഷീജ എന്നിവർ ലൈബ്രറി കൗൺസിൽ വൈത്തിരി താലൂക്ക് സെക്രട്ടറി സി .എം .സുമേഷിൽ നിന്നും ആജീവനാന്ത അംഗത്വം സ്വീകരിച്ചു.
പ്രസിഡൻ്റ് ടി.വി. രവീന്ദ്രൻ അധ്യക്ഷത വഹിച്ചു. സെക്രട്ടറി കെ. പ്രകാശൻ, സി. അബ്ദുൾ സലാം, പി. എൻ. പത്മിനി, എ.സുധാറാണി, എം. കേശവൻ, ലൈബ്രേറിയൻ പി. ഗോവിന്ദൻ, പി.എൻ. സുരേന്ദ്രൻ, കെ.പി. രത്‌നാകരൻ എന്നിവർ സംസാരിച്ചു.
