
വാരാമ്പറ്റ: വാരാമ്പറ്റയുടെ മണ്ണിൽ രണ്ടുദിവസങ്ങളിലായി നടന്ന സമസ്ത കേരള ജംഇയ്യത്തുൽ മുഅല്ലിമീൻ മുസാബഖ ജില്ലാ ഇസ്ലാമിക് കലാമേളയിൽ തരുവണ റെയ്ഞ്ച് ജേതാക്കൾ. 297 പോയിന്റ് നേടിയാണ് തരുവണ ചാംപ്യന്മാരായത്. 254 പോയിന്റുള്ള കമ്പളക്കാട് റെയ്ഞ്ചിനാണ് രണ്ടാം സ്ഥാനം. 243 പോയിന്റ് വീതം നേടി മാനന്തവാടി, റിപ്പൺ റെയ്ഞ്ചുകൾ മൂന്നാം സ്ഥാനം പങ്കിട്ടു. 239 പോയിന്റ് നേടിയ വെള്ളമുണ്ട റെയ്ഞ്ച് നാലാം സ്ഥാനവും 236 പോയിന്റുമായി പനമരം അഞ്ചാം സ്ഥാനവും നേടി. കൽപ്പറ്റ -235, സുൽത്താൻ ബത്തേരി 230, പുൽപ്പള്ളി 222, തലപ്പുഴ 218, പടിഞ്ഞാറത്തറ 213, മീനങ്ങാടി 201, ആനപ്പാറ 197, മുട്ടിൽ 194, മേപ്പാടി 190, വൈത്തിരി 172, പൊഴുതന 151 എന്നിങ്ങനെയാണ് മറ്റു റെയ്ഞ്ചുകളുടെ പോയിന്റ് നില. സമാപന സമ്മേളനത്തിൽ ജംഇയ്യത്തുൽ മുഅല്ലിമീൻ ജില്ലാ അധ്യക്ഷൻ കെ.വി.എസ് ഇമ്പിച്ചിക്കോയ തങ്ങൾ അധ്യക്ഷനായി. പി. ഇബ്റാഹീം മൗലവി ഫലപ്രഖ്യാപനം നടത്തി. ജേതാക്കൾക്കുള്ള ട്രോഫി കെ.വി.എസ് ഇമ്പിച്ചിക്കോയ തങ്ങൾ, ജനറൽ സെക്രട്ടറി ഹാരിസ് ബാഖവി എന്നിവർ ചേർന്ന് നൽകി. സ്വാഗതസംഘം ഭാരവാഹികളായ കമ്പ അബ്ദുല്ല, കണ്ണാടി മജീദ്, ജംഇയ്യത്തുൽ മുഅല്ലിമീൻ ഉപാധ്യക്ഷൻ അഷ്റഫ് ഫൈസി, ട്രഷറർ ആബിദ് ദാരിമി, മുഹിയുദ്ധീകുട്ടി യമാനി, കമ്പ അബ്ദുല്ല, കണ്ണാടി മജീദ്, എ. മോയി, അലി ഹൈതമി, അബ്ദുല്ലത്തീഫ് വാഫി, ഇബ്റാഹീം മൗലവി, ഫാഹിം ദാരിമി, റാഷിദ് വാഫി, ശംസുദ്ദീൻ ദാരിമി, എ.സി മായൻ ഹാജി, എ.സി പോക്കു എന്നിവർ വിവിധ വിഭാഗങ്ങളിലെ വിജയികൾക്കും കലാപ്രതിഭകൾക്കുമുള്ള ട്രോഫികൾ വിതരണം ചെയ്തു. ഹാരിസ് ബാഖവി സ്വാഗതവും പി. സൈനുൽ ആബിദ് ദാരിമി നന്ദിയും പറഞ്ഞു.








