0
0
കല്പ്പറ്റ: വയനാട്ടിലെ മേപ്പാടിക്ക് സമീപം കള്ളാടിയില് കാട്ടാന ആക്രമണത്തില് സ്ത്രീ മരിച്ചു. ഭര്ത്താവിന് പരിക്കേറ്റു. പുത്തുമല കാഷ്മീര് സ്വദേശിനി ജസിയാണ്(46)മരിച്ചത്. പരിക്കേറ്റ് ഭര്ത്താവ് ഷാജിയെ(50) അരപ്പറ്റ ഡോ.മൂപ്പന്സ് ആശുപത്രിയില് പ്രവേശിപ്പിച്ചു.
ഇന്നു രാവിലെ ആറരയോടെയാണ് സംഭവം. ദമ്പതികള് സഞ്ചരിച്ച സ്കൂട്ടര് കാട്ടാന ആക്രമിക്കുകയായിരുന്നു. മേപ്പാടി ഡോ.മൂപ്പന്സ് മെഡിക്കല് കോളജ് ആശുപത്രി ജീവനക്കാരാണ് ഷാജിയും ജസിയും. രാവിലെ വീട്ടില്നിന്നു ജോലിസ്ഥലത്തേക്ക് പോകുമ്പോഴാണ് ആന ആക്രമിച്ചത്. ഗുരുതരമായി പരിക്കേറ്റ ജസിയെ പ്രദേശവാസികളും യാത്രക്കാരും ചേര്ന്ന് ഡോ.മൂപ്പന്സ് ആശുപത്രിയില് എത്തിച്ചെങ്കിലും രക്ഷിക്കാനായില്ല. സെക്യൂരിറ്റി ജീവനക്കാരനായ ഷാജിയുടെ പരിക്ക് ഗുരുതരമല്ലെന്നാണ് വിവരം. സ്കൂട്ടറിന്റെ മുന്ഭാഗം ആനയുടെ ചവിട്ടേറ്റ് തകര്ന്നു. ആക്രമണത്തിനുശേഷം ആന വനത്തിലേക്ക് പിന്വാങ്ങി. സൗത്ത് വയനാട് വനം ഡിവിഷനിലെ മേപ്പാടി റേഞ്ചില് പുത്തുമല ഫോറസ്റ്റ് സ്റ്റേഷന് പരിധിയിലാണ് കള്ളാടി. കാട്ടാനശല്യം രൂക്ഷമായ പ്രദേശമാണിത്
