കത്തോലിക്ക കോൺഗ്രസ്കലക്ടറേറ്റ് മാർച്ചും ധർണ നടത്തി

കൽപറ്റ: വർധിച്ചുവരുന്ന വന്യമൃഗ ആക്രമണത്തിൽ നിന്നു വയനാടൻ കർഷക ജനതയെ രക്ഷിക്കണമെന്ന്ആവശ്യപ്പെട്ടു കത്തോലിക്ക കോൺഗ്രസ് കൽപറ്റ സോണിൻ്റെ നേതൃത്വത്തിൽ കലക്ടറേറ്റിലേക്ക് മാർച്ചും ധർണയും നടത്തി. വന്യജീവികളെ വനത്തിൽ സംരക്ഷിക്കുക, വനത്തോടു ചേർന്നു താമസിക്കുന്നവർക്ക് ഒരു കോടി രൂപയുടെ സൗജന്യ ഇൻഷുറൻസ് പരിരക്ഷ ഏർപ്പെടുത്തുക,വന്യമൃഗം നശിപ്പിക്കുന്ന കാർഷിക വിളകൾക്ക് മാർക്കറ്റ് വിലയ്ക്കു തുല്യമായ ഇൻഷുറൻസ് ഏർപ്പെടുത്തുക,യുദ്ധകാലാടിസ്ഥാനത്തിലുള്ള ഫെൻസിങ് നിർമാണവും സംരക്ഷണവും നൽകുക, പ്രാദേശിക വന്യ മൃഗ അക്രമണ പ്രതിരോധ സേന രൂപീകരിക്കുക, വനം വകുപ്പ് നിർമാണ പ്രവൃത്തികളിൽ സോഷ്യൽ ഓഡിറ്റ് എന്നീ ആവശ്യങ്ങൾ ഉന്നയിച്ച് കത്തോലിക്കകോൺഗ്രസ് നടത്തുന്ന സമര പരിപാടികളുടെ തുടക്കമാണു പ്രതിഷേധ മാർച്ചും ധണയും പ്രതിഷേധ റാലി കൽപറ്റ ഫെറോന വികാരി ഫാ. ജോഷി പെരിയപ്പുറം ഉദ്ഘാടനം ചെയ്തു. തരിയോട് ഫെറോന പ്രസിഡൻ്റ് മാത്യു ചോമ്പാല അധ്യക്ഷത വഹിച്ചു.
കലക്ടറേറ്റ് പടിക്കൽ നടത്തിയ ധർണ കത്തോലിക്ക കോൺഗ്രസ് ഗ്ലോബൽ വൈസ് പ്രസിഡൻ്റ് ഡോ. സാജു കൊല്ലപ്പള്ളി ഉദ്ഘാടനം ചെയ്തു. കൽപറ്റ ഫെറോന പ്രസിഡൻ്റ് സജി ഫിലിപ്പ് അധ്യക്ഷത വഹിച്ചു .അഡ്വ. ജിജിൽ കിഴക്കരക്കാട്ട് മുഖ്യപ്രഭാഷണം നടത്തി .ഫാ .ജോബി മുക്കാട്ടുകാവുങ്കൽ , (രൂപത ഡയറക്ടർ) ഫാ. ടോമിപുത്തൻപുര (മേഖലാ ഡയറക്ടർ) ഫാ:സണ്ണി മഠത്തിൽ നെടുമ്പാല ,ഫാ:സജി ഇളയിടത്ത്, കുറുമ്പാലക്കോട്ട ഫാ. കിരൺ തൊണ്ടിപ്പറമ്പിൽ (അസിസ്റ്റൻ്റ് ഡയറക്ടർ കൽപറ്റ മേഖല), ജോൺസൺ കുറ്റിക്കാട്ടിൽ , ആൻ്റണി പാറയിൽ, കെസിവൈഎം മേഖലാ പ്രസിഡൻ്റ് റിജിൽ, ബിനു ഏറണാട്ട്, രൂപതാ സെക്രട്ടറി തോമസ് പട്ടമന എന്നിവർ പ്രസംഗിച്ചു .