April 3, 2025

കേരള ബാങ്കിന്റെ മികച്ച ശാഖക്കുള്ള മിനിസ്റ്റേഴ്‌സ് ട്രോഫി മീനങ്ങാടി ശാഖയ്ക്ക്

 

കൽപ്പറ്റ : മികച്ച പ്രവർത്തനത്തിന് കേരള ബാങ്ക് ഏർപ്പെടുത്തിയ മൂന്ന് വിഭാഗം അവാർഡുകളും കരസ്ഥമാക്കി കേരള ബാങ്ക് കോഴിക്കോട് റീജിയൺ. 2023-24 വർഷത്തെ കേരള ബാങ്കിന്റെ മികച്ച ശാഖക്കുള്ള മിനിസ്റ്റേഴ്‌സ് ട്രോഫി കോഴിക്കോട് റീജിയന്റെ ഭാഗമായ വയനാട് സി.പി.സിയിലെ മീനങ്ങാടി ശാഖയ്ക്കും മികച്ച രണ്ടാമത്തെ സി.പി.സിക്കുള്ള ട്രോഫി വയനാട് സ.പി.സിക്കും മികച്ച മൂന്നാമത്തെ റീജിയണൽ ഓഫീസിനുള്ള ട്രോഫി കോഴിക്കോട് റീജിയണൽ ഓഫീസിനും ലഭിച്ചു. കണ്ണൂർ ദിനേശ് ഓഡിറ്റോറിയത്തിൽ നടന്ന ചടങ്ങിൽ മീനങ്ങാടി ശാഖക്ക് വേണ്ടി ശാഖാ മാനേജർ സബിൻദാസ് കെ ബി, വയനാട് സി.പി.സിക്ക് വേണ്ടി ഡെപ്യൂട്ടി ജനറൽ മാനേജർ ബിനു എൻ വി, കോഴിക്കോട് റീജിയണൽ ഓഫീസിന് വേണ്ടി ജനറൽ മാനേജർ ഷിബു എം പി എന്നിവർ സഹകരണ വകുപ്പ് മന്ത്രി വി എൻ വാസവനിൽ നിന്നും ട്രോഫികൾ ഏറ്റുവാങ്ങി. നിക്ഷേപ സമാഹരണം, വായ്പാ വിതരണം, കുടിശ്ശിക നിവാരണം, കേരള ബാങ്കിന്റെ മൊബൈൽ ബാങ്കിംഗ് സേവനങ്ങളായ കെ ബി പ്രൈം, കെ ബി പ്രൈം പ്ലസ് എന്നിവ ലഭ്യമാക്കൽ തുടങ്ങിയ മേഖലകളിലെല്ലാം മികച്ച പ്രവർത്തനം കാഴ്ച്ചവെച്ചതിനാണ് അവാർഡുകൾ ലഭിച്ചത്.

Leave a Reply

Your email address will not be published. Required fields are marked *