പൈങ്ങാട്ടിരി അമൃത സരോവർ പ്രവർത്തി ഉദ്ഘാടനം ചെയ്തു

പൈങ്ങാട്ടിരി: എടവക ഗ്രാമപഞ്ചായത്തിന്റെ ടൂറിസം വികസന പദ്ധതിയുടെ ഭാഗമായി പൈങ്ങാട്ടിരി പൈതൃക ഗ്രാമത്തിനോട് ചേർന്ന് നടപ്പിലാക്കുന്ന പാർക്കിൽ നിർമ്മിക്കുന്ന അമൃത സരോവറിന്റെ പ്രവർത്തി ഉദ്ഘാടനം പത്മശ്രീ ചെറുവയൽ രാമൻ നിർവഹിച്ചു ഗ്രാമപഞ്ചായത്ത് പ്രസിഡണ്ട് എച്ച്.ബി പ്രദീപ് മാസ്റ്റർ അധ്യക്ഷത വഹിച്ചു ബ്ലോക്ക് പഞ്ചായത്ത് പ്രസിഡന്റ് ജസ്റ്റിൻ ബേബി മുഖ്യ പ്രഭാഷണം നടത്തി.
മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ കീഴിൽ അമൃത സരോവറിനായി 38.50 ലക്ഷം രൂപ ചിലവിൽ നിർമ്മിക്കുന്ന കുളം പാർക്കിന്റെ മുഖ്യ ആകർഷണകേന്ദ്രമായി മാറും. പഞ്ചായത്തിന്റെ ഉടമസ്ഥതയിലുള്ള ഒരേക്കർ 25 സെന്റ് സ്ഥലത്ത് ഒരുക്കുന്ന പാർക്കിൽ ഹെറിറ്റേജ് മ്യൂസിയം, ഫെസിലിറ്റേഷൻ സെന്റർ, ഉദ്യാനം, ഫുഡ് പാർക്ക്, ആംഫി തിയേറ്റർ, ഓപ്പൺ ജിം, ലേസർ ഷോ, ഫൗണ്ടനുകൾ എന്നിവയെല്ലാം സജ്ജീകരിക്കും.
പ്രവർത്തി ഉദ്ഘാടന ചടങ്ങിൽ വൈസ് പ്രസിഡന്റ് ജംസീറ ശിഹാബ്, ജില്ലാ പഞ്ചായത്ത് ഡിവിഷൻ മെമ്പർ വിജയൻ.കെ സ്ഥിരം സമിതി അധ്യക്ഷനായ ജോർജ് പടക്കൂട്ടിൽ, ജെൻസി ബിനോയ്, ശിഹാബ് അയാത്ത് വാർഡ് മെമ്പർമാരായ എം.പി വത്സൻ,ലിസി ജോൺ തൊഴിലുറപ്പ് പദ്ധതിയുടെ ജോയിന്റ് പ്രോഗ്രാം കോ -ഓർഡിനേറ്റർ പി.സി മജീദ്,ബ്ലോക്ക് പ്രോഗ്രാം ഓഫീസർ ഷിജി പി. പി, ഗ്രാമപഞ്ചായത്ത് സെക്രട്ടറി എൻ അനിൽകുമാർ, അക്രഡിറ്റഡ് എൻജിനീയർ സി. എച്ച് ഷമീൽ പ്രസംഗിച്ചു.